18 December 2013

Chati Ka Cancer (Breast Cancer)

Chati Ka Cancer (Breast Cancer)
Chati Ka Cancer (Breast Cancer)

Breast cancer (Chati ka cancer) is common in women but man can also be the victim of his disease. If age is more than 40 then the dangers of the disease increase in women. American cancer society has suggested that all the women that are more then 40 years old will regularly go for annual checkup to their doctors. In this page, you will read Chati Ka Cancer, Chhati Ka Cancer, Chati ka Sartan, Breast Cancer In Urdu and Roman Hindi.

Chati Ka Cancer (Breast Cancer In Urdu)
Khawateen (women) dosri qism ke sartanon ke muqable mein chati ka cancer (breast cancer) mein ziyadah mubtala hoti hain lekin ye marz mardon ko bhi lahaq ho sakta hai. Umar 40 se uper ho jaye to is marz ka khatrah khawateen ke leye barh jata hai. Wo awamil jo is marz ke lahaq hone ke zimedar ho sakte hain, in mein mahwari ka jald shuru ho jana aur sin e yas ka badir ana, nez motapa aur estrogen name zanana harmon se zindagi bhar wasta rehna shamil hain. Jin khawateen ko pheli bar istaqrar e hamal 30 saal ki umar ke bad hota hai un ke leye esi khawateen ke muqable mein chati ke sartan (breast cancer) ka khatra 2 se 5 guna barh jata hai, jo pheli bar 18 saal se kam umar mein hamla hoein thein. Taham mukhtalif khawateen ko mukhtalif halat o awamil ka samna ho sakta hai. Lehaza munasib ye ho ga ke har khatoon apne muaij se zaror mashwarah kar le, ta ke ese ye malom ho sake ke wo zati awamil kia hain jo is ke leye is marz ke khatre ka bais ho sakte hain.
Ye bhi yad rakhiye ke pasine ki bo marne wale spry, chati ki chot ya chati ki shua nigari karne wala aala mammogram chati ka sartan (breast cancer) ka sabab nahi bante. Dosri baat ye hai ke is marz ka elm jis qadar jald ho jaye isi qadar is ka moasar ilaj mumkin ho ga, kyun ke mutadid tariqe ese mujod hain jo sartan ko dobara ubharne se baz rakh sakte hain.

Chhati ka sartan , Chati Ka Cancer (breast cancer) ki pheli alamat to ye hai ke chati ya baghal mein guthli ban jati hai ya jild mein sakhti ajati hai. Dosri alamat ye hai ye chati ka size (breast ka size) aur is ki shakal badalne lagti hai. Tesri baat ye hai ke nipple (sar e pastan) se aik raqiq madah jo dodh se mukhtalif hota hai risne lagta hai. Phir ye nipple ka size aur rang aur shakal bhi badalne lagti hai ya phir nipple ke gird ki jild ya khud chati ki jild ki rangat mein farq ajata hai. Ye bhi zehan mein rakhiye ke shuru shuru mein chati ke sartan (breast cancer) ke bais dard ya becheni mehsos nahi hoti.
American cancer society ki ye tajwiz hai ke 40 saal ki umar ki khawateen ko har saal mammogram se moaina karana chaheye kyun ke chati mein gilti na banne ke bawajod mammogram se 85 se 90 % fisad sartanon ka pata chal jata hai. Agar is marz ka shuru hi mein pata chal jaye to ese marizon ki tadad khasi kam ho jaye gi jin ke akhiri stage tak pohanchne ki nobat ajati hai. 20 se 30 saal ke darmiyan ki umar ki khawateen (women) ko har saal apni chati ka moiana zaroro karana chaheye.


Chati ka sartan , Chati ka cancer (breast cancer) ke ilaj mein jarahi, tabkari, kimo therapy, hayatiyati aur harmoni tariqe shamil hain. Tahum ye zarori nhai ke har tarah ke chati ka sartan, chati ka cancer (breast cancer) ke marizon ko in sare tariqon se guzarna pare. Beharhal tibi mahiren isi baat par zor dete hain ke agar is marz ki ibteda hi mein tashkhis ho jaye aur ilaj shuru ka diya jaye to taweel ilaj ki zehmat se bacha ja sakta hai.

No comments:
Write Comments

Contact Form

Name

Email *

Message *