Cough (Khansi)

Cough ( khansi) is a dry layer of infection who creates the rash, sputum and itching in the throat. It is clear the walls of the airways of lungs, who expunging the sputum in throat. This condition increases the sputum and it irritates the airways of lungs. That is why it is a natural affect that expunge the sputum. We can use grapes, almond, onion, turmeric, raisins and seeds of alsi for the better home remedy of cough. Do not use meat, sugar, pickle, hot spices, tea, coffee, soft drinks, ice creams, sweets and process foods. Take anima daily with lukewarm water during the coughing. In this page, you can see the information and best home Remedies about Cough In Urdu and Roman Hindi.

Cough In Urdu (Khansi)

Lungs mein saans ki naliyon ki dewaron mein naseejon ke sath aise khuliye hote hain. Jo sputum ki ratobat kharij karte hain. Yehi khuliye saans ke sath aane wale gardoghubar ke zarrey khench lete hain. Jab balghami nasijen infection se mutasir ho kar sooj jati hain to balghami ratobat ke ikhraj mein izafa ho jata hai aur saans ki naliyon mein kharash peyda ho jati hai. Chunache qudrati raddeamal ke taur par khansi (Cough)aati hai ta ke balghami ratobat bahar kharij ho sake.

Cough Causes and Symptoms:

Jab koi fard khansne lagta hai to pehle gehra saans leta hai. Is amal se is ka forun halaq band ho jata hai aur paththe sukarh jate hain, chunache chest mein dabao ban jata hai. Phir achanak fam halaq khulta hai. Hawa ka aik zordaar ikhraaj saans ki naliyon mein se bahar ka rukh ikhteyar karta hai aur apne sath izafi ratobat le aata hai. Baaz auqat lungs, halaq aur ghiza ki nail mein beyroni mawad pohanch jata hai. Jo in mein kharash peyda karta hai. Mazkora zordaar amal ke natijey mein wo bhi wapis bahar aa jata hai.

Khansi (Cough) ki wajah se narkhara ya halaq ki sozish bhi ho sakti hai. Baaz auqat mausam mein tabdeeli bhi chest mein khansi (Cough) ke asbaab peyda kar deti hai. Is ka asal sabab saans ki naliyon mein fazil maddon ke ijtemaa se banne wali rukawat hoti hai. Fazil maddon ka ijtemaa khane peene mein nuqsan dey ghizaon ka istemal hota hai. Mausam e sarma mein khansi (Cough) lahaq hone ke waqeaat dosre mausamon ke baraks ziyada hote hain. Is ki wajah yeh hai kea am aadmi ziyada tar baadi ashiya yani balgham peyda karne wali ghizaey khata hai. Aik aur wajah sard maheeno main bhari bhar kam garam kaprhe pehne jate hain, chunache jild ko munasib tariqa se hawa nahi milti.

Cough Home Remedies In Urdu (Khansi Ka Ilaj)
Khansi Ka Gharelu Ilaj In Urdu
Grapes:

Khansi (Cough) ke maussir gharelo ilaj mein aik grape ka istemal hai. Grapes lungs ko nae taqat dete hain aur balgham aur fazil maddon ke ikhraaj ka zariya bante hain. Grapes ka istemal halki phulki thanda aur khansi ko 2, 3 dino mein thek kar deta hai. Aik cup angoor ka juice aur 1 tea spoon honey khansi (Cough) mein aafaqa yaqeeni banata hai.

Almond:

Khushk khansi ke tadraak ke liye almond bohat achi ghiza hain. Almond ki 7 giryan raat bhar pani mein bhigoey rakhen aur subha inka brown chilka utar den phir in ka bareek paste banane ke liye achi tarha pees len. 20 gram butter aur isi miqdar mein sugar us paste mein shamil karen aur yeh paste majoon khansi se nijaat ke liye subha o sham istemal karen.

Onion:

Kache piyaz bhi khansi (Cough) ka umdah ilaj hai. Is sabzi ko bareek pieces mein kaatkar is ka juice pani nichore kar nikal len. 1 tea spoon yeh juice 1 tea spoon honey mein mila kar 4, 5 hours ke liye parha rehne den. Aik umdah cough syrup tayyar ho jaega. Ise din mein 2 baar istemal kiya jaey. Sputum kharij karne ke liye bhi piyaz bohat mufeed hai. Aik darmiyane size ka onion kuchal kar is mein aik adad lemon ka juice shamil kar len. Zaiyqa aur afadiyat barhane ke liye is mein 1 tea spoon honey shamil kar den. Yeh dawa din mein 2 ya 3 baar len.

Turmeric:

Turmeric plant ki roots ko dry cough mein maussir taur par istemal karte hain. Roots ko bhoon kar safoof bana len. Yeh safoof 3 gram miqdar mein din mein 2 bar yani subha o sham khaey.

Baheerha:

Khansi (Cough) se nijaat ke liye baheerha aik aazmoda gharelo ilaj hai. Is ka phal namak, falfal daraz aur honey mila kar majoon tayyar karte hain. 2 gram gooda ¼ tea spoon namak, half tea spoon falfal daraz aur 2 tea spoon honey se yeh majoon tayyar kar ke din mein 2 martaba istemal karen. Khansi ke liye shafi hai. Khansi aur balgham ke liye aik nuskha ke mutabiq baheerha ke pake hue fruit ko gandun ke flour mein lappet kar bhon’ne ke bad khaya jata hai.

Raisins:

Kishmish se bani hui chatni bhi khansi ke ilaj ke liye mufeed hai. 100 gram kishmish pani ke sath pees kar 100 gram sugar milaey aur garam karen. Yeh malghoba chatni ki soorat ikhteyar kar jaega. Use mehfooz kar len, daily sote waqt is mein se 20 gram kha len.

Alsi ke Seeds:

Sakht, khushk khansi (Cough) jis mein balgham ka ikhraaj bohat mushkil ho, is ke ilaj ke liye Alsi ke Seeds istemal karen. Yeh sputum ko tehleel kar ke ikhraj mumkin banati hai. Alsi ke seeds se bani hui tea bhi yeh shikayat door karti hai.

Ghizaai Tarteeb:

Shadid khansi (Cough) ki soorat mein patient ko kuch din malt eke juice ke sath juice fast par rakhen. Malta ka juice aur pani mila kar dete rahen. Yahan tak ke shiddat kam ho jaey. Tariqakaar yeh hai ke juice fast mein subha 8 baje se sham 8 baje tak har 2 hours ke bad aik cup garam pani mein aik malta ka juice mila kar dete hain. Juice fast ke bad mareez ko 2, 3 din tak sirf phal khilaey. Halki khansi ki soorat mein ilaj ka aaghaz 5 se 7 dino tak sirf fruits ki khuraak se kiya ja sakta hai. In dino mein daily teeno khane sirf juicy fruits par mushtamil hone chahiye. Jin mein apple, pear, grapes, grape fruit, Malta, pineapple, peach aur watermelon khaey jaey. Peene ke liye sugar ke bina lemon water ya thanda ya garam simple pani diya jaey. Fruits ki khuraak par rehne ke bad mareez mutawazin ghizaon ko apna sakta hai. In mein bhi salim anaaj, kachi aur paki hui sabziyan aur fresh fruits diye jaey.

Mareez ko meat, sugar, tea, coffee, hot spices, pickle, process kiye hue khano aur pise hue anaaj se parhez karni chahiye. Ise soft drinks, sweets, ice cream aur sugar aur white flour se bani ghizaon se bhi gurez karna chahiye.

Other Efforts:

Shadid khansi (Cough) ke dauran neem garam pani ka anima daily lena chahiye. Ta ke intestines saaf ho jaey.