Kidney Stones (Gurde Ki Pathri)

The process of forming a kidney stone (gurde ki pathri). The kidney stone are common cause of blood in the urine, pain in the abdomen, flank or groin. Kidney stone occur in 1 in 20 people at some time in their life. The development of stone is related to decreased urine or increases in excretion of stone forming components such as calcium, oxalate, urate, cystine, xanthenes and phosphate. The stone forming in the urine collecting area of the kidney may range in size from tiny to stag horn stone the size of the renal pelvis itself. In this page, you can read Kidney Stones in Urdu ( Gurde Ki Pathri, Gurde Me Pathri) in Hindi.

Gurde Ki Pathri ( Kidney Stones In Urdu)

Urine ki naali urinary tract me banne wali pathriyan ya pathar (stone) jo chote se chote millimeter ki jisamat se ley kar barhi jisamat yani kaye centimeter tak ho sakti hain. Yeh urine ki tarkeeb me sershuda ajzaa ki qalmon crystals yani inorganic maddon aur lehmiyat proteins glyco proteins yani organic maddon par mushtamil hoti hain.

In ke K.U.B me banne ka amal abhi tak mukammal taur par nahi samjha ja saka. Mukhtalif wajohaat muaawin asbaab, rehan sehan aur adaat o atwaar, geographic mehle waqoo, rang o nasal, profession, mutasira afraad me hama iqsaam ki pathriyan banne ka sabab bante hain. Ab tak maloom halatein jin ki wajah se pathriyan ban sakti hain. In me urine tract me rukawat, urine tract infection UTI, mausami asraat, asar andaaz hone, peshey zaiyd mushaqqat aur exercise jis mein paseeney ka ziyada ikhraaj ho aur wasre shuda pani ki kami ko bahaal na kiya gaya ho, urine ki raah, calcium ka ikhraaj Hypercalciuria, urine ke hamrah zaiyd oxalate ka ikhraaj hyperoxyluria, mukhtalif wirasati amraaz jis me urine me oxalate ka aana oxyluria, urine mein cystin ka aana cystinuria, naqras, gout, bones ke goddey se blood ke khuliyat ka gher tabbi banna yani myeloproliferative disorders, gurde (kidney) ke medulle hisse ka spongy hona, phosphate nook e pathar banna ( boja zaiyd phosphate ion ke ikhraj ). Urine ki ajzaey tarkeebi me shamil inorganic maddon ke irtekaaz ki wajah se aur urine ki miqdar me kami ki wajah se banne wali pathriyan, calcium oxalate ki qisam ki pathriyan banna.

Cystine xanthine aur uric acid ki iqsaam ki pathriyan banna ( boja in he ajzaa ki zaiyd taleef aur in ke irtekaaz ke ) urine tract mein urinary concretions, mukhtalif jisamat ki hoti hain. William Bide apni pathology me is hawaley se zarifana andaaz me likhte hain, ke choti jisamat ki pathriyan fashionable white chust o sharer kutte ki tarah hoti hain.

Itna takleef dey gurde (kidney) ke qolanj ka sabab banti hain ke patients tarap jata hai, chillata hai, jaise yeh teddy dog bhonk kar ke naak me dam kar deta hai. Jab ke barhi jisamat ki pathriyan mutalliqa banne wali jagah par bagher kisi alamat yani dard aur takleef ke chup chap parhi rehti hain, bilkul isi tarha jis tarha ke aik jisamat ka dog kahil aur sust hota hai, parha soya rehta hai. Use bhonkne se koi kaam nahi hota. Jab kabhi gussey me aaey to kaat kar barha nuqsan karta hai.

Choti jisamat ki pathriyan lagbhag 0.5 cm tak takleef dey alamaat aur nishaniyan deti hain, lekin khud ba khud ya zaiyd pani peene ya urine aawar medicines diuretics se aur homeopathic, tib aur allopathic ilaaj se urine ki raah se nikal kar kharij ho jati hain. Barhi jisamat ki pathriyan 0.6 cm se zaiyd na sirf phans kar masaiyl peyda karti hain. Bal ke urine ke ikhraaj ki raah me rukawat ban kar na sirf hydronephrosis ka sabab banti hain. Bal ke kidneys ke nephrons ko nuqsan pohncha kar muaamlat kidney ke juzwi ya mukammal fail hone tak ja sakte hain. Musalsal khamosh kidneys ki rehaiyshi pathriyan musalsal dabao aur kharash mile kidney ke cancer yani nephrocarcinosis ka sabab ban sakti hain. Shakal o surat bhi mukhtalif qisam ki hoti hai. Round, oval, nokeli, parnama, kae shakha, bara singe ki tarha waghera waghera. Johri agar calcium oxalate ke crystals ko dekh le to na sirf farifata ho jae bal ke mujhe yaqeen hai ke wo heyran o pareshan ho jaega. Lifafey numa, tarashe hue blue rain mirrors ki roshni munakas karte hue goshey. Lekin yehi nokiley chamakdar dikhai dene wale crystals az had takleef ka sabab bante hain. Kidneys ki pathriyan jinhe nephrocalcinosis kehte hain.

Kae salon se yeh bagher kisi takleef dey alamat ka izhaar kiye khamoshi se gurde (kidney) me parhi reh sakti hain.mumkin hai ke kisi aur takleef ya mamool ke radiological ya ultrasound ya kisi scan muaaiyne me samne aaeyn. Bilamoom patient mutasira maqam gurde (kidney) ke dard aur bar bar hone wale urine tract ke infection ya mumkin hai ke pathri khisak kar ya sirak kar, gurde (kidney) aur cystit ke mabeyn urine ko le jane wali ureter ke darmiyani tang tareen hisse me phans sakti hai. Aik aam shikayat jo is aarzey me waqoo pazeer hoti hai. Wo waqfey waqfey se hone wala dull pain hai. Jo pusht me mutasara gurde ( kidney) ke maqam par hota hai aur yeh dard harkat karne se barh jata hai. Patient ke urine ke tafseeli moaaiyna karane par urine me protein, red cells blood ya white cells blood mumkin hai ke mutalliqa crystals ya infection ki sorat me peep ke khuliyat bhi milen. Jab pathar ureter ke tang darmiyani hisse me phans jata hai. To urine ke back pressure se gurde (kidney) me renal colic shuru ho sakta hai. Jo achanak pusht ki janib maqam gurde (kidney) se shuru ho kar mutasira lateral janib se aage ki taraf Men me testes aur Women me beyroni tauleedi azoo labium tak phel jata hai. Jo ke pehli ehsasati lambar asab se distribute hota hai. Dard minton me apni shiddat ke urooj ko pohanch jata hai.

Patient intehai bachain hota hai. Aur bilamoom araam hasil karne ke liye apni position badalta rehta hai. Halan ke is tarha karne se ise koi bilamoom araam hasil karne ke liye apni position badalta rehta hai. Halan ke is traha karne se ise koi kamiyabi nahi milti. Patient yellow ho jata hai. Paseena aa jata hai aur kabhi vomiting bhi hone lagti hain. Patient ki takleef na qabil e bardasht hoti hai. Urine juzwi ya mukammal band ho sakta hai. Jaldi jaldi qatra qatra ya jalan aur takleef ke sath ya urine khoon aalood ya khoon ke hamrah ho sakta hai. Shaded dard aam taur par 2 hours ke bad door ho jata hai. Dard hamle ki soorat me mustaqil rehta hai. Ya mabad harkat karne par, weight uthane par halka ya waqfey waqfey se palat sakta hai. Jo minton ke tauquf ke bad zahir ho jata hai. Is tarah hum clinic me alamaat e marz se tashkhees kar ke mazeed tashkhees ko yaqeen bakhshne aur marz se mutalliq maqam mutasira hisson, jisamat pathri me madad lene ke liye awwalan simple x-ray mabad IVP barae KUB aur ultrasound KUB aur Urine = D/R se madad la sakte hain.

Dard ki wajah pata chalane ke liye, hamley ke dauran IVU karwane se radiographs rehnumai karenge. Pathar agar ureter me phans gaya hai to IVU ki DYE kidneys ka Dense Shadow pesh karenge. Kyun ke ureter me pathar ke phans jane ki wajah se DYE Renal Pelvis me deyr se pohnchegi. Mabad pathar pahnsne ka maqam wazeh ho ga. Choti jisamat ki pathriyon ko bilmisal ya yaqeeni maussir dawa se ilaj kar ke, parhezi, ghizaai aur dawaai ilaaj se thek Karen. Parhez iqsaam ke lihaz se ho ga. Ghorhe, gadhe, hathi aik he lathi se na hanke jaey. Isi tarha marz ke sabab aur pathri ki iqsam ke lihaz se ilaj aur parhez ho ga.

Albatta pani ka zaiyd istemal peen eke liye sab iqsam me karwaya jaey. Masiwae pathri ke ureter me phans jane ke baad jab ke Oedema & hydronephrosis shuru hone par pani bhi pilana mamnoo hai. Uric acid aur urete qisam ki pathriyon aur crystals me gosht aur gosht ki masnoaat dalen mana hain. Calcium oxalate me aur oxyluria me tomato zeyr zameen vegetables jis me calcium oxalate bohat hota hai. Jaise arvi ( yam ) tursh palak aur vegetables jo oxalic acid se bharpor hoti hain. Jaise imli ( tamarind ) mamnoo den. Calcium aur phosphate ki qismon me doodh, doodh ki masnoaat, calcium par mabni tablets, syrup, vitamin D ka zaiyd istemal, phosphorus par mabni medicines aur ghizaeyn na den. Pathriyon ko ghula kar, urine ke hamrah kharij karne wala tariqa na kaan ho jaey to phir ziyada tib aazmai na Karen. Behter ho ga ke lithrtriptor ki madad se in pathriyon ka ikhraaj kiya jaey. Barhi jisamat ki pathriyan kuch khas halaat aur amraaz me bazariya surgery nikali jati hain. Is ka yaqeen muaalij ka lithotripsy ken a kiye ja sakne wali wajohaat hain. Jo barhi aur bil amoom sakht tareen pathriyon, pathar ke totne se pohanchne wale nuqsanaat aur deegar metabolic, awaarzaat, pathriyon ke gurde (kidney) ke nazuk na qabil talafi nuqsan pohanchne wale maqamaat par banne, barhi khoon ki naliyon ke mutassir hone wale maqamaat aur lithotripsy ke naqabil aur istemal pechida cases ki sorat me muntakhib karna parhta hai. Dheron maussir homeopathic medicines, laiyq o faiyq zaheen homeopathic ki dastaras me bamutabiq bilmisal alamaat marz di jaey to yaqeeni shifa bakhsh sabit hoti hain, bal ke dobara pathri banne ke rujhaan ko khatam karne ke iye mehfooz homeopathic medicines maujood hain.