Hernia ka ilaj

Hernia

Hernia is a condition in which part of an organ displaced and protrudes through the wall of the cavity. Hernia happens where a weakened area of the muscles, mostly in abdominal muscles. This condition can improve only operation of that area, where we find the Hernia. It has many kinds. Skin crease makes hernia problem in the upper side of thighs and abdominal. It has two types of hernia, direct hernia and indirect hernia. Bones hernia makes in mostly back bone. There are more types of hernia. Femoral Hernia, Spliglian Hernia, Obturator Hernia, Epigastric Hernia, Oesophageal Hernia, Hiatus Hernia, Slinding Hernia and Roling Hernia. In this page you can see the Hernia information in Urdu (Hernia Kya Hai ) In Hindi.

Hernia Information In Urdu
Hernia Kya Hai

Allah Taa'la ka nizam hai ke har cheez ko ghilaf mein aur aik khas hodod o qawaid mein rakha hai. Jab ye is se bahar nikal jate hain to bimarikehlati hai aur ye ghilaf nazar aane wala aur na nazar aane wala hota hai. Ye baat insane jisim ke leye to bilkul durust hai maslan peat ke tamam uzo aik jhili mein band hote hain, hadiyon ke upper bhi aik jhili hoti hia, jab pait ke uzo apne ghilaf se bahar nikalte hain to bahar ki khal ke niche aikubhar ban jata hai, pait mein se aantein ya charbi bahar nikal aati hai aur hadiyan barh kar shazo nadir apni jhili se bahar nikal kar ubhar peda karti hain. Hernia umoman badan mein salwat ki jagah ziyadah banta hai jese salwat ki jagah kapra jald phata hai isi tarah "Jingason" aur naaf ke karib Hernia ziyadah bante hain. Kai bar aesa hota hai ke Hernia ki jagah koi khas ubhar nahi banta sirf halka se dard hota hai,jab Hernia numaya hota ha to ubhar mein jo uzo hote hain waha aanton ke apas mein ulajh kar ganth banne ke andesha deta hai, agar ise nazar andaz kya jay to wahan shaded dard ke elawa mutaleqa uzo ke sardne ka andesha barh jata hai kyun ke wahan khoon (Blood) ki tarseel band ho jati hai asi kefiyat peat mein bane wale Hernia mein bhi ha sakti hai basa oqat operation se hi is kafiyat ko durust kiya ja sakta hai.

Hernia ki iqsam (Types of Hernia)

Hernia ki bohat si iqsam hoti hain, in mein jingason mein bane wala Hernia numaya hota hai. jo ke duniya bhar mein hernia ke is qisim ke 75% fisad mareez hote hain, ye Hernia bhi do qisim ka hota hai, donon qisim ke Hernia jingase ki silwat ke phatne se paida hote hain, aik qisim foto ki theli (testicle hernia) mein barhti hai ise Indirect Hernia kaha jata hai, jab ke dosri qisim ka Hernia raan ki uperi jild ke neche ki taraf barhta hai ise Direct Hernia kaha jata hai.

Pait se raan mein Femoral nali hoit hai is se sharyan warid aur asab guzarti hai, Femoral Hernia mein aant is nali mein aajati hai jis ki wajah se khon ki naliyan aur asab dab jati hain aur fori operation ki zaroorat parh sakti hai. Hernia ki ye qisim ziyadah tar khawaten mein pai jati hai.

Naaf ki jagah Hernia amoman 10 se 30 fisad bachon mein pedaish ke waqat ya foran bad ban jata hai, agar ye Hernia aik inch se kam ho to amoman 2 saal tak ki umar mein khud ba khud khatam ho jata hai, garesa Hernia aik inch se bara ho to ilaj ki zaroorat parti hai,ese Hernia amoman khawateen (Women) mein hamal (Pregnancy) ya zachgi ke doran ban jate hain.

Hernia ke operation ke baad ziyadah tar mutalika jagah se jhili khas kar kamzoor ho jati hai to 2 se 10% fisad afrad mein Hernia dobara ban jata hai. Spliglian Hernia pait ke darmiyan mein banta hai.

Hadiyon ka Hernia ziyadah tar read ki haddi mein hota hai.

Obturator Hernia: Kolhe ki hadiyon ke darmiyan jo chead hota hai wahan aanon ke phnsne se banta hai is mein matli aur qae aati rheti hai, ye kyun ke dekhai nahi deta is ki tashkis mushkil ho jati hai.

Epigastric Hernia: Naaf se aik line peat ke darmiyan mein jo neche ko aati hai ye us ki jild ke neche hota hai.

Oesophageal Hernia: Khane ki nali mein Hernia Oesophageal Hernia kehlata hai.

Mede par Hernia Hiatus Hernia: Khane ki nali jahan mede mein jorti hai aur sene ka khana peat ke khane se aik parde ke zarye juda hota hai wahan par mede ka Hernia ubhar kar sene par numayan ho jata hai, is ki kai qismen hoti hain aik aik ko Slinding Hernia khete hain. Jab mede ka Hernia parde se bahar aane wali nali ke walo se hota howa parde mein chala jata hai, aik aur qisim ko Roling Hernia khete hain, jahan khane ki nali ka wal hota hai ye parde mein se nikal kar nali aur is ke wal par dabao dalta hai.

Hernia Ke Asbab:

1. Morosi tor par peat ki jhili ka kamzor hona.

2. Hamal (pregnancy) ke doran mutawazan ghiza na khana.

3. Ya hamal (prenancy) ke doran chot lagna.

4. Motapa (obesity).

5. Apni istetaat se ziyadah wazan (weight) uthana.

6. Bohat zoor se khansna.

7. Qabz (constipation) ya kisi aur bimari mein peshab pakhane karne ke doran zoor lagana.

8. Mazmin phephpron (lungs) ki bimari.

9. Pait (Abdomen) mein pani parna.

10. Ya in ke elawa koi aur muhrik bhi ho sakta hai jis ka idrak abhi tibi science ko nahi howa.

Alamaat (Causes of Hernia) :

1. Bagheir dard (pain)ka ubhar jise dabane par andar kiya ja sake, ye lambe arse tak bhi reh sakta hai.

2. Ya shaded dard ke sath naram phola howa ubhar jise jhili ke andar na kiya jasake ye aanton ke ulajhne ki akasi ho sakti hai ise Incarcerated Hernia bhi kaha jata hai. Hernia mein khoon ki tarsil band ho sakti hai, is kefiyat mein matli ho sakti hai aur qe aati rehti hai.

3. Hernia aesa bhi ho sakta hai jo ke chone par dukhe magar naram na ho.

4. Kai bar ubhar bane se phele mutalika jagah dard bhi ho sakta hai.

5. Khansne yak hare hone par ubhar ka barhna.

6. Chere se Hernia bimari ayan hoti hai.
Morose isbab ke elawa jo isbab batye gaye hain un ke ijtinab se Hernia se bach ja sakta hai, jis mein istetaat se ziyadah wazan uthana shamil hai.

Hernia Hone Ke baad Care:

Sote waqat let kar Hernia ko andar karein is ke liye kolohon (hip) ke neche do takye rakh lein is tarah app Kaman ki sorat mein lete hon ge, hath se Hernia ko undar kejeye, phir takya nikal lejeye. Raat aram se guzre gi subah jagne par uthne se qabal doctor ki batai hoyi pati bandh kar uthye jab ke surgery se inkar kar deya jaye ya is ko deer se kiya jana ho tab belt na bandhein har tarah ka aisa kaam jis se pait par wazan pare is se bachein maslan wazan uthana, zoor se khansna, teez chalna wagarah.

Hernia Mein Ghiza:
Jo ghiza nahi khani chaheye: (Hernia Food to Avoid)

Tamam ki tamam wo ghizaein jin se meade aur seena mein jalan hoti ho inhen na khaein maslan lemo pani, malte, tematar, grape fruit, karan berry ka juice, achar, chatni, tali hoi ghiza maslan French fries, pakore, tali hoi peyaz, tike boti kowa naguets ki shakal mein hon, ice cream, khati cream, milk shake,ghar ka bana howa panir, macaroni, spaghetti, surkh sauce, salad par dalne ke lawazmat, chai, coffee, sharab, chocolate, makai ke bhone dane, aaloo ke chips, donuts.

Jo ghiza kha sakte hain: (Hernia Food to Eat)

Saib (apple) , kela (banana), koile par pakaye gaye aaloo, broccoli, gobhi, gajar, sabz phaliyan, matar, har tarah ka patla ghosht, ande ki safedi, machli, bilkul kam chiknai wala panir,makai ki roti, dalein, chawal, jo ke bagheir chane aate ki roti, gehre konwein ka pani.

Khane Ka Tarika:

Jaldi jaldi na khaein, 11 se 33 bar khob chaba kar khaein, khane se 30 min phele pani pein. Sone se 3 ghante phele khana pena band kar dein.

Tashkhis:

Hernia to apne ubhar se hi phechana jata hai, agar kahen ibaham ho to doctor mutalika jagah ko tatol kar ya foton ki theli mein ungli dal kar is ki tashkhis kar sakta hai.

Hernia Ka Ilaj:

Homoeopathic falsafe mein ye kaha jata hai ke ziyadah amraz waldein ki ghatiyon ki bina par aulad mein pinhan andaz mein nuqs shudah DNA ya RNA aulad mein muntakil hote hain, is kefiyat ko sora ki mutaqli kaha jata hai jo ke kisi aik ya kai muharikaat ki mojoodgi mein mutehriq ya (active) ho kar mutaliqa bimari ki alamat ko numaya kar deta hai iss bimari mein bhi kaye muharikat ka dakhal hai, mazeed baraan jab koyi mutawazin ghiza nahi kahta aur is mein ikhlaqi o kirdar ki kamzoriyan kam ho jati hain ya hifzan e sehat ke usolon ko nazar andaz karta hai, apne badan (body) ki istetaat se ziyadag is se kaam leta hai, tab is ke badan mein qowat e madafiyat kam ho jati hai, miyazim ubhar aate hainaur kamzor jhili phat kar ye marz numaya ho jata hai, har mareez munfarid hota hai is liye zarori hai ke is ke tafsili mutale ke baad dawa ka intekhab kia jaye.

Jab tib e mutabadil se Hernia ka ilaj mukin na rahe tab operation ka sahara zaroor lena chaheye, is marz mein surgery 3 tarikon se ki jati hai.

1. Herniotomy.

2. Herniography.

3. Hernioplasty.

Is amar ka fasla sirf surgeon hi karta hai ke mareez ko kitni jaldi aur kis tarike ke operation ki zarorat hai.