Towel Ka Istemal

Towel

Towels is used for drying and wiping of our body. We should change the towel after every two days. We should use absorbing thread material of towels. We should use clean and dry towels. Once a time use bath towel. We should wash the towel a lot, dry properly in sunlight and air, then we can use easily. In this page you will read Towel used in Urdu and Roman Hindi

Towel Ka Istemal

Towel ko har dosre din badal lena chahiye. Towel ke istemal mein hamesha aehtiyat ki zaroorat hoti hai. Bachon wale gharon mein aehtiyat ki aur zaroorat hai, khas kar garmiyon ke mausam mein. Mausam-e-sarma mein baaz jildi amraaz aur allergy ki iqsaam se jild mutaasir hoti hai. Is liye mahireen tib-e-zaroori samajhte hain ke ap ke towel ka har dosre roz dhulna ya badalna zaroori hai

Agar markazi kamre mein ek towel 3 afraad ke istemal mein ho tab to yeh aehtiyat lazmi hoti hai. Har bathroom mein towel izafi taur par hona chahiye. Towels ki tadad kuch barha len aur jazib reshey wale material khareden. Hamesha din ki roshni mein towel dhone chahiye aur taza hawa mein ta dair sokhne den. Arab aur European mumalik mein zer jame aur towels par istri karne ka aam riwaj hai. Wo log baqaiyda laundries mein professional cleaning ke liye towels bhijwate hain. Kya humen apne kunmbey se itni bhi mohabbat nahi ke hum ghar par 5, 10 minute is kaam ke liye sarf kar den.

Jin gharon mein ya khasoosan flats ke makeenon ko kaprhe sukhane ka masla rehta hai. Tang-o-tareek fiza ya aik hi mukhtasir se raqbey par mushtamil gallery mein ap deegar kaprhon ke sath towels ki jagah kaise nikalenge. Lekin apne kaam ko is tarha munazzim kijiye ke aik din towels ki dhulai ke liye makhsoos kar dijiye. Apne hathon se kaprhe dhote waqt apni jild ki hasasiyat ko zaroor madde nazar rakhe. Koi tez detergant ya bleach ka mehlool tadeer hathon par na laga rehne den. Chote bachon ko pani se khelne ka shauq hota hai, lekin unhe sabun mile pani se khelna ki ijazat na den. Bachon ki jild ziyada hassas hoti hai. Pani aur sabun ke bulbule dekhne mein to bhale lagte hain. Magar ALLAH PAK na karen is ka amalaablon ki soorat mein zahir ho to sehat ke masaiyl uth khare uthte hain. Lehaza aehtiyat behtar hai.

Bazar mein kapron ki dhulai ke bad unhe narm-o-gidaz banane wale makhsoos mehlool bhi dastiyab hote hain, ta hum yeh zaroori nahi ke wo ap ki jild se bhi munasbat rakhte hon. Mumkin hai ke wo bhi allergy kar jaen, lehaza un ka istemal bhi aehtiyat se karen. Bottle par likhi hui hidayat parh len. Jahan almari mein towels rakhe jate hain, wahan koi khushbu rakh di jae to bohat din tak yeh detergant wali makhsoos khushbo se bache rahenge aur bheeni bheeni khushbo reshon mein bas kar unhe mehkati aur ap ko lubhati rahegi.

Khas taur par barishon ke dinon mein sooraj apni pori aab-o-taab se nahi nikalta, in dinon mein towels ka dhona aur phir inhe sukhana barha masla hota hai. Phir aesa kijiye ke inhe khushk jagah par pheylae rakhiye aur garm istri karen. Kyun ke ap mehsoos karenge ke acha khasa detergant istemal kar ke aur bar bar pani badal kar bhi towels ki badboo nahi gai. Yeh badboo darasal meyl jamne ki wajah se nahi hoti, yeh sirf bharpoor roshni, dhoop aur hawa mein na sukhane ki wajah se in mein bas jati hai.