Fish (Machli)

Fish For Eyesight

Fish (Machli) is useful for eyes. We should use the oily fishes, because it is protect our eyesight in elderly. Oily fish is very useful for eyesight (Aankhon ki roshni), for example Salmon, Tuna and mackerel. This is oily fishes, which is improving our eyesight at the old age. These fishes are those who have fatty acid or omega 3 in it. Omega 3 is very helpful in eyesight problem. A new research shows that peoples who take at least two times fish in a week. These people are less likely to develop age related macular degeneration (AMD). It is known as the cause of blindness. Researchers said that changing diet more foods that rich in Omega 3 fatty acids may reduces the risk of heart attack, eyesight, prostate and skin cancer. Please first take advice to your Doctor then use anything. In this page, you can see the information benefits about the fish, Fish for eyesight in Urdu (Aakhon Ki Roshni) In Hindi.

Fish For Eyesight
Machli Ke Fawaid Aankhon Ki Roshni Ke Liye

Haal hi mein ki jane wali aik nayi research ke natije mein ye inkeshaf howa hai ke tail (Oil) wali machli se bharpor khorak mein aik bohat aham khososiyat ye hoti hai ke ye bari umar ke hazaron afrad ko nabena hone se bachati hai.is tehqiq mein batya gaya hai ke tail wali machli Selman Mackerel (Aik qisim ki khurdni machli jo shumali oqiyanos mein pai jati hai aur us ke jisim ka nichla hissa naqri hota hai aur upper gehri neli dhariyan hoti hain,ye asgimri khandan ki machli hoti hai) aur tazah pani ki Leona, ye sab wo machliyan hain jin mein fati acids bharpor miqdar mein paye jate hain aur ise Omega-3 group kaha jata hai.

Mazkorah bala machliyon (Fishes) mein maujood tail (Oil) aur acids ki wajah se bari umar ke afrad ki banayi mehfoz rheti hai aur in ki wajah se banayi ke khatme ki sab se aam kisim ko tahafoz mil sakta hai.is natije par pohanchne ke leye sciencedanon ne 65 saal se ziyadah umar ke baligh afrad ki khurakon ka gherai se mushahidah o mutala kiya to dekha ke jo afrad pabandi se aabi ghiza yani sea food lete theun mein umar ke izafe ke sath hone wale Macular degeneration qabil e qadar kami pai gayi. Waze rahe ke Macular degeneration ka marz aankh ke parde (retina) mein khalyat ki moat ki wajah se peda hota hai. Ye wo bimari ya kefiyat hai jis ka filhal koi elaj nahi hai aur ye bartaniya ke 75 saal se zaidumar ke lag bhag aik tehai afrad ko mutasir kati hai. Is kefiyat se aahistah aahista is mein mubtila afrad apni markazi basarat khone lagte hain jis ka matlab ye howa ke wo apne an samne mujod kisi bhi cheiz ko braherast nahi dekh pate. Is ke bais un ki bohat sei sargarmiyan lag bhg khatam ho jati hain aur un ke leye parhna, likhna, driving karna aur television dekhna mumkin nahi rehta.

Khayal hai ke Bartaniya mein lag bhag 240,000 afrad basri khalal (Aankhon ki bimari) ki kisi na kisi kisim se do char hain aur in ka sabab AMD (Age-related macular degeneration) hai jis se murad hai umar mein izafe ke sath aankh ke parde mein khalyat ka mar jana. Is mutale mein American sciencedanon ne 65 se 84 saal ki umar tak ke 2400 razakaron ka tafsili mutala o tajziya kiya. Unhon ne dekha ke jin logon ne hafte mein 2 din ya is se zaid mudat tak tel ( Oil) wali machli ya shell fish (ghonge) aur khas tor se kekre, Oysters yani kastora machli (sadfe) ya mussels (shell fish ki aik qisim) khayi thi, wo aksariyat se AMD yani umar ke sath aankh ke parde mein khalyat ki amwat nami kefiyat se mehfoz rahe. Ye nataij Ophthalmology gernal mein shaya hoye hain.

Khayal kiya jata hai keOmega-3s dhop ki wajah se aankhon ko pohanchne wale nuqsan se bachta hai aur retina (parda e chasham) ke khalyat ki hifazat karne mein madad de sakta hai. Ye masla umar barhne ke sath sath aahista aahista peda hota hai.

Ye research Maryland ke Jones hapics school of medicine ke Willmer Eye Institute mein munaqid ki gayi thi. Is research ne sabiqa mutaleaat ki tosiq ki hai jin se ye zahir hota hai ke Omega-3s asal mein umar ke sath sath aankh ke parde mein khalyat ki moat ye AMD ki barhti pesh qadmi ko sust karne mein madad deta hai.

Is research ki quaid ka khena hai ke “is survey ke doran jin shurka ne osatan hafte mein aik bar machli ya shell fish khai thi aur jin mein advanced AMD tha unhen Omega-3 fish aur sea food ko bohat ziyadah istemal nahi karna para. ”

Omega-3 fati acids ke bare mein bohat arse se ye kaha jata raha hai ke ye blood pressure ko kam karne mein madad dete hain, dil ki beqaidah dharkan pressure ko kam karne main madad dete hain,dil ki baqaidah dharkan ke khatre ko kam karte hain, sharyanon mein chiknayi ki ghothliyan barhne se rokte hain aur muzir e sehat chiknayi Triglyceride ki satah ko kam karte hain. Is chiknayi ka heart attack se bohat gehra taluq hota hai. Research se ye bhi malom howa hai ke ye fati acids protest aur jild ke cartan ke khatre ko bhi kam karte hain.