Fatigue (Thakan)

Fatigue

Fatigue (Thakan) problem can transitional, ad-hoc and old, regular also. It needs the full rest. Fatigue is a common problem, which cause mostly hard and long lasting work. Unavoidable feelings creates the regular fatigue, when those work did in forcedly and unavoidable. If we are not interested in any work or something, so we feel the fatigue. We can use grains, vitamin B, dates, grape fruit, lemon balm and mineral articles etc for the better home remedy of fatigue. In this page, you can see the information and best home treatment about Fatigue In Urdu (Thakan Ka Ilaj) in Roman Hindi.

Fatigue In Urdu

Kam o besh har insaan ko kuch mawaqey par ziyada dair tak kaam karna parhta hai aur aisa karte hue use apne araam aur neend ki qurbani dena parhti hai. Is se aarzi thakawat paida ho jati hai.

Fatigue Causes and Symptoms:

Thakan (Fatigue) aur nidhaal hone ka aehsas aarzi aur waqti bhi ho sakta hai aur mazamman yani purana aur musalsal bhi. Is kefiyat ko munasib araam ke sath door kiya ja sakta hai. Albatta purani aur musalsal thakawat aik sanjeeda masla hai. Jis ke liye jamaa qisam ke ilaj ki zarorat hoti hai.

Kirdar ka aik khusosi rang…….majbori…….ka ehsaas, musalsal thakawat ko janam deta hai. Jab koi kaam zabardasti yani majbori ke aalam mein kiya jaey. Us mein dilchaspi na ho to bohat jald thakawat ka ehsaas peyda ho jata hai. Kuch log musalsal mehsoos karte hain ke wo us waqt tak araam nahi kar sakte jab tak wo tamam kaam waqt par khatam nahi kar lete. Aise log aam taur par tanao ka shikar rehte hain aur us waqt tak khud ko pur sukoon mehsoos nahi kar sakte, jab tak tamam kaam khatam nahi kar len, chahe wo kitne he kyun na thak jaey.

Thakawat la barha sabab nataqati ya tawanai ki kami hai aur yeh khane peene ki ghalat aadaton ke natijey mein peyda hoti hai. Lazeez khane amoman ghizaeyat se mehroom hote hain. Maslan white sugar, pise hue anaaj, white flour ke pakwan, ( white flour se murad meyda ) process kiye hue khane jismani nizaam par bohat bure asraat murattab karte hain. Ghizaon ko gher fitri andaaz mein paka kar khane se wo vitamins aur maadni ajzaa muyassar nahi aate jin ki hamare jism ko zarorat hoti hai. Chunache tawanai mein kami aa jati hai. Kuch makhsoos qisam ki zehni o jismani kefiyat jin mein kam blood pressure, blood sugar mein kami, kisi qisam ka infection, jiger ki kharabi, medicines aur ghizaon ki allergy, be khuwabi, zehni tanao aur jazbati na aasodgi shamil hain. Air, soil, aur water pollution se jism mein peyda hone wale zehriley maddon se bhi thakawat aur izamhalal ka shikar ho jata hai.

Fatigue Treatment Home Grains:

Thakan (Fatigue), pasmardagi aur izamhalal ke shikar mareez ko aesi ghizaeyat bakhsh ghizaey khana chahiye, jo jism ko tawanai farahum karen, seeds ki soorat mein istemal karne se thakawat door hoti hai aur tawanai milti hai. Anaaj key eh seeds corn ke daney, gandum ke daney, raai ke seeds, jou aur jawar waghera hain. In ko piswane ke ziyada arsey ke bad istemal nahi karna chahiye. In pake anaaj mein mukammal ghizaeyat hoti hai. Jo achi sehat ke liye zarori hoti hai. Ziyada pise hue, chane hue anaaj bhi ghizaeyat se mehroom ho jate hain. Maslan wheat ke aate mein se sooji nikaal li jaey aur use chaan kar istemal kiya jaey, to matloba fawaiyd hasil nahi hote. White flour yani meyda lazzat farahum karta hai, magar ghizaeyat se mehroom hone ke sath sath intestines ke liye mufeed nahi hoti.

Vitamin B:

Thakan (Fatigue) ke mareez ko natural vitamins aur maadni ajza supplement bhi lene chahiye, kyun ke yeh is kami ko pora karte hain, jo thakawat peyda karti hai. Vitamin B group ke aik rukun pantothenic acid ki kami bhi thakawat ko janam deti hai kyun ke is ki kami se Adrenal gland fa’aal nahi rehta, chunache is marz ke ilaj ke liye daily 30 m gram pantothenic acid ya vitamin B 5 khana chahiye. Albatta zarori baat yeh hai ke vitamin B group ke tamam arkaan par mushtamil supplement istemal karte hue pantothenic acid ki matloba miqdar zaroor len. Vitamin B complex group aesaab ko tahaffuz deta hai aur glands ko fa’aal kar ke nashonuma aur tawanai muhayya karta hai. Vitamin B muhayya karne wali ghizaey wheat, rice polish aur kaleji ke ilawa mashroob sazi ka khameer hai.

Maadni Ajzaa :

Amomi sehat ke ilawa fatigue ke marz pe qaboo pane ke liye bhi maadni ajzaa bohat aeham hote hain. Potassium khas taur par thakawat se door rakhti hai. Patton par mushtamil sabziyan Malta, potato aur phalliyan is maadni juzo ki farahmi ka numayan zariya hain. Calcium sukoon aur aasodgi muhayya karti hai aur bekhuwabi aur tanao door karne mein madad deti hai. Bekhuwabi aur tanao dono thakawat ka sabab banti hain. Doodh aur doodh ki masnoaat, patton par mushtamil sabziyan, sesame seeds, almond, jae aur wall nut calcium farahum karte hain. Sodium aur zinc bhi thakawat ke ilaj mein mufeed hain. Ajmood, cucumber, lettuce aur apple sodium ke maqool zaraey hain. Phalliyan, salim anaaj ki masnoaat aur pumpkin ke seeds zinc ki wafir miqdar muhayya karte hain.

Dates:

Thakan (Fatigue) door karne ka maussir gharelo ilaj khajoor ka istemal hai, jo log izamhalal aur thakawat ke shikar rehte hain, unhe baqaiydegi se khajoor khana chahiye. 5 se 7 daney dates raat ko half cup pani mein bhigo den aur subha un ki guthliyan nikal kar pani mein masal den, us thick mashroob ko week mein kam az kam 2 baar zaroor piyen.

Grape Fruit:

Yeh fruit bhi thakawat door karne ke liye bohat mufeed hai. Grape fruit aur lemon juice aik glass izamhalal door karne ka behtareen zariya hai. Din bhar ki thakawat ke bad yeh mashroob peena taza dum kar deta hai.

Lemon Balm:

Dimaghi thakawat aur zehni izamhalal ke tadraak ke liye yeh dawa bhi nihayat umdah hai. 30 gram booty ko half liter thande pani mein daal kar 12 hours tak parha rehne den. Phir is mashroob ko chaan kar thori thori miqdar mein sara din piyen.

Ghizaai Hikmat e Amli :

Vitamins aur maadni ajzaa ka istemal thakawat ke ilaj mein sab se ziyada zarori hai. Tibbi mushahidaat mein dekha gaya hai, k jo log barhe khano ke darmiyan snacks khate rehte hain.wo fatigue aur aesaab zadgi ka boaht kam shikar hote hain. In logon ke muqabley mein ziyada behtar soch sakte hain aur ziyada mustad rehte hain. Jo din mein sirf 3 martaba khana khate hain. Yeh snacks fresh ya dry fruits, fresh fruits ya vegetables ke juices, kachi sabziyon ya salim anaaj ke chote chote sandwiches par mushtamil hone chahiye. Yeh snacks halke phulke hone chahiye aur in ke pesh e nazar barhe khano mein kam khuraak khani chahiye. Snacks ka istemal makhsoos waqt par yani 11 baje aur phir sham ko 4 baje karna munasib rehta hai.

Deegar Iqdamaat:

Mazamman thakawat ki wajah amoman kamzor dauran e khoon hoti hai. Is ka azala daily jismani exercise ke zariye kiya ja sakta hai. Exercise se tanao bhi door hota hai aur aik had tak freshness milti hai. Tawanai bahaal hoti hai, neend ka mamool behtar ho jata hai. Walking mein tez tez chalna, bicycle chalana, baghbani, tennis khelna ya isi tarha ki koi aur game. Yeh sab exercise ki achi soorten hain.

Massage, thandi pattiyan ya yakke bad deegar mutabadil garam aur thande ghusal ka aehtemam, patthon ko mutehrik kar deta hai aur thakawat zaiyl ho jati hai. In mamolaat se na sirf izamhalal ka ehsaas khatam ho jata hai, bal ke in ke bad tea ya coffee ka istemal waqatan tonic jaisa asar dikhata hai.