Hair Care Tips

Hair falling is every ones problem now a day. To loss 30 to 60 hair, every day is normal. There is a surface down the root called epithelial cell, when these cells alive the growth of the hair will remain normal. There are many reasons of hair falling like Illness, deficiency of vitamins, dandruff, avoiding of massage of hair oil, over usage of shampoo and conditioner, during pregnancy, shock and inherited. You can stop hair falling by taking good care of your hair, by oiling them, wash hair daily, comb your hair at least 100 times in day and use good quality shampoo for washing your hair.

Hair Care Tips In Urdu
Balon Ki Hifazat In Urdu

Bal rozana taqreeban 30 se 60 tak ki miqdar tak mein girte hain. Aik bal ki tibi umar 2 se 6 saal tak hoti hai. Jab porana bal gir jaye to us ki jagah naya bal aata hai. Ye bal girne aur nikalne ka amal mustaqil rehta hai. Jar ke niche aik sakht hoti hai jo epithelial cell kehlati hai jab tak ye cells zindah rehte hain baloon ki growth barqarar rehti hai. chahe unhen tora jaye, kata jaye ya ukhara jaye kelin jab ye cell aik dafa nakara ho jaye to bal girna shuru ho jaye hain. Balon mein ganjpan peda ho jata hai. Bal mosam ke lehaz se bhi girte hain. Mukhtalif logon ke bal barhne ki miqdar mukhtalif hoti hai. Aik mah mein bal adha ya pona inch barhta hai. Agar bal normal kefiyat se ziyadah girne lage to kisi bemari ki wajah se ho sakta hai ya mukhtalif wajohat hoti hain jin ki wajah se bal girte hain.

a) Bemari (illness)

b) Vitamins ki kami (deficiency of vitamins)

c) Khushki (dandruff)

d) Tail na dalne ki wajah se (avoiding of massage of hair oil)

e) Bohat ziyadah shampoo aur cosmetic ka istemal (over usage of shampoo and
conditioner)

f) Doran e hamal (during pregnency)

g) Gala aur dant ki kharabi (throat and dental disease)

h) Sadma (shock)

i) Wirasat (inherited)

Bemari (illness):

Bohat si bemariyan balon ko nuqsan pohanchati hain khas tor par typhoid, nazla waghairah.

Vitamin ki kami (Deficiency of vitamin):

Baloon ki nashunuma ke leye ghiza ki bohat ahmiyat hai. Agar ghiza mein vitamin ki kami ho to bal girna shuru ho jate hain. Is leye ghiza mein vitamin A aur B ka istemal bohat zarori hai. Ye tazah phal aur sabziyon mein paya jata hai. Vitamin ke elawa protein ka istemal baloon ke leye mufed hai, jo ke gosht, anda, machli, samandari namak aur paneer waghairah mein paya jata hai.

Khushki (Dryness):

Ye khatarnak (Dandruff) marz hai. Agar sebaceous gland kaam karna chor de aur sebum peda karna chor de to sar mein khushki ho jati hai jis ki wajah se bal girna shuru ho jate hain.

Tail Na Dalne Ki Wajah Se (Avoiding of Massage of Hairoil):

Jab baloon ko qudrati tail sayasar nahi aata to bal kharab ho jate hain. Baloon ki do nokein nikal aati hain, is tarah bal totna aur girna shuru ho jate hain. Is liye baloon mein tail delna zarori hai take baloon mein khushki ba rahe aur bal narm o mulaim rahein.

Bohat Ziyadah Shampoo Aur Cosmetic Ka Istemal
(Over Use of Shampoo and Cosmetics)

Ghair mamoli aur saste kism ke shampoo ke istemal se bhi bal girne lagte hain agar baloon ki munasibat se shampoo istemal na karein to bhi bal girne lagte hain. Agar bal chikne hon to lemaon shampoo aur agar khushk hun to egg shampoo istemal karein.

Hamal Ke Doran (During Pregnancy):

Agar hamal (pregnancy) ke doran baloon ki achi tarah se hifazat na ki jaye to bal girna shuru ho jate hain. Agar hamal (pergnancy) ke doran ghiza mein ghiza ka sahi tanasub na rakha jaye to bhi bal girna shuru ho jate hain.

Gale aur Dant Mein Kharabi (Thorat and Dental Disease):

Gale aur dant mein kharabi ke bais bhi bal bori tarah mutasir hote hain.

Wirasat (Inherited):

Baz khandanon mein bal girne ki bemari morose hoti hai is leye bhi bal nahi barhte.

Sadma (Shock):

Is se bhi baloon ko nuqsan pohanchta hai.

Girte Balon Ka Ilaj (Hair Treatments In Urdu):

Sab se phele ye malom kiya jaye ke bal girne ki kiya wajah hai, phir is ke mutabik ilaj kiya jaye, agar bal bohat ziyadah girte hain to ganjpan ki nishani hai aur is ka ilaj aaj tak daryaft nahi howa.

(a) Balon ki safai ka khayal rakhna bohat zarori hai, balon ki safai mein balon ki hafazat hai.

(b) Rozana 30 minute tak neem garam tail ki malish lazmi hai.

(c) Kisi achi company ka shampoo istemal karein.

(d) Din mein rozana 100 martaba baloon mein brush karna chaheye, ye baloon ki warzish hai is leye        aahista aahista karna chaheye.

(e) Warzish (Excercise) bhi zarori hai is se dorane khoon tez hota hai aur balon mein bhi warzish ka        acha asar hota hai, sar ka dorane khoon tez hota hai aur baloon mein jan aajati hai.

(f) Ache aur naram brush ka istemal karein.

(g) Achi aur mutawazan ghiza khaein jis mein protein aur iron waghirah shamil hon, maslan gosht,         anda, paneer, samandari namak, salad, sabziyan pakal, shaljam aur chuqandar.

h) Esi achi aur mtawazann ghizaein khaein jis mein muraghan ghiz ashamil na ho, muraghan aur       methi cheizon se baloon ko nuqsan pohanchta hai.

i) Balon ki khsuhki ki wajah se jhad jate hain to khushki ko zaror dor karna chaheye.Chand Tareeko Se Khsuhki Dor Ki Ja Sakti Hai.

i. Khushki (dandruff) balon ke leye bohat khatarnak hai is leye kanghi hamesha aahista aahista karni chaheye take khushki aram se nikal jaye.

ii. Aik gram tail se rozana massage karein.

iii. Ese shampoo ka istemal karna jis mein tail ki miqdar ziyadah ho, balon mein aahista aahista brush karein is se baloon mein qudrti tail mayasar aata hai jis ki wajah se khushki dor ho jati hai.