Pimples and Pores

Hormones can cause pimples. In hormones, we have small oil factories, who we call Sebaceous glands. This oil exit from the pores, then make a pimple. This oil is called Sebum; it is one of the main causes of acne. Pores quantity is very high in our body and it should be in normal condition. We should have clear pores. Acne is an inherit disorder of the pores. Pores are opening through when sweat is released. A pimples form when the excess sebum and dead cells clog up and block the opening of the pore, it is called white head. When sebum and dead cells clog the pore but not the opening as in a whitehead, it is called blackhead. In this page you will read Pimles and Pores in Urdu and Roman Hindi.

Pimples In Urdu

Keel mahasay darasal aik shadeed amal hai. Jis ka aaghaz jild ki androoni gehrai se hota hai. Jild par yeh tabdeeli hormones ki tabdeeli ki wajah se hoti hai. Darasal yeh hormones choti choti oil factories hain. Jinhe ( Sebacious Glands ) kaha jata hai. Yeh glands ( Ghadood ) bhari miqdar mein oil kharij karte hain. Yeh oil khule masamon se bahar nikalta hai aur phir masamon ke surakh par gard ke zarrat, jild ke murdah khuliye aur jaraseem is oil mein shamil ho kar keel mahase ( Blackheads, Whiteheads ) banate hain, jo ke jild ki satah par chote chote ubhar ki surat mein zahir hote hain. Jab ke dabane ki surat mein in ke andar se white color ka mawad bhi nikalta hai. Chikni jild ke hamil afraad ke chehre par mahase ziada nikalte hain.

Mahason ka nikalna kisi androoni jismani masley ki nishandahi bhi karta hai. Maslan ap bohat ziyada chikni cheezon ka use kar rahe ho aur ap ka meayda in chikni cheezon ko hazam na kar raha ho to is surat mein ap ke jism ki zaiyd chiknai masamat ke zariye kharij hone lagti hai aur phir mahaseyki shakal ikhteyar kar leti hai. Mahasay nikalne ka aik sabab zehni dabao bhi hota hai. Amooman mahwari ke dauran mein hormones ke nizam mein tabdeeliyan ronuma hoti hain. Jis ke wazeh asar chehre se zahir hone lagta hai yani chehre ke masamaat par na sirf chiknahat ziyada jama hone lagti hai, bal ke chehre bujha bujha lagne lagta hai. Is surat-e-haal se nimatne ke liye chehre ko bar bar dhona chahiye aur chehre ki cleansing baqaiydgi se karni chahiye. Ta ke aap ke chehre ke masamaat bohat ziyada saaf suthre rahen aur mahason se nijaat mil sake. Jild par mahase aur jildi daagh dhabbon ke nikal aane ki sorat mein in chand baton ka khayal rakhna chahiye.

1-Kisi medicated soap se mou wash karen.

2-Kisi umdah cleansing se mou saaf karen.

3-Calamine cream lagaen aur raat bhar chehre par rehne dein.

4-Subha ke waqt foundation lagaen aur lagane se qabal electo calamine cream halke hath se lagaen.

5-Chehre ki jild ko dhoop se bachaen, kyun ke Suraj ki shuaaon se jild ke masaiyl mein izafa hota hai.

6-Makeup ki masnoaat ka intekhaab jild ki mutabqat se karen.

7-Toner ka use jari rakhen.

Pores In Urdu

Insani jism mein beshumar masamaat ( Pores ) hote hain aur yeh normal halat mein hone chahiye. Na ziyada chote aur na ziyada barhe jism mein khoon har waqt gardish karta rehta hai. Is liye hawai aamd-o-raft ke liye masamaat ka normal halat mein rehna bohat zaroori hai. Hawa insan ke aitraaf mein maujood hoti hai. Hawa mein beshumar jaraseem aur bohat ziyada gard-o-ghubar shamil hota hai. Jab hawa chehre se lagti hai to us ke sath yeh sara gard-o-ghubar bhi chehre par chipak jata hai. Hawa is gard-o-ghubar ke sath mil kar in masamaat ko band kar deti hai. Jis ki wajah se masamaat mein se paseena kharij hona band ho jata hai. Jis se khoon ki gardish mein rukawat peyda ho jati hai aur yeh black heads ya white heads ki sorat mein masamaat par aa jate hain.

Blackheads In Urdu

( Hair Follicle ) mein sebum ziyada miqdaar mein jama ho kar black heads ko janam deta hai, jo dikhne mein black color ka dot hota hai, use nikalne ke liye bohat aehtiyat ki zaroorat hoti hai. Jab hum chehre ki cleansing kar ke chehre ko naram-o-mulaiym kar len to ( Steamer ) ke zariye ya phir garam towel se is ko nikala jata hai.

Whiteheads In Urdu

Yeh bhi ( Hair Follicle ) ke pas ( Cuticle ) peyda hote hain, jis ki wajah se yeh jild par namudaar hote hain. Kyun ke in mein ( Sebum ) jane ki gunjaiysh nahi hoti hai. Yeh ziyada tar aankhon ke gird ya phir cheeks ki bones mein hote hain. Inhe bhi nikalne ke liye bohat aehtiyat ki zaroorat hoti hai. Warna infection hone ka khadsha hota hai.

Prickly Heat In Urdu

Yeh ziyad tar garmiyon mein ya garam jagah rehne ki wajah se hote hain. Jild par jis ka paseena ziyada kharij hota hai, un ke yeh dane hote hain. Kyun ke paseena kharij karne wala mada jab band ho jata hai to us garmi ko jise paseeney ke zariye nikalna tha, wo is surat mein bahar aati hai. Aesi jild ko thanda aur khushk rakhna chahiye.