Lose Weight (Motapa) Fat

Fat (Motapa Tips)

Obesity means having too much body fat. It is different from being overweight, which means weighing too much. The weight may come from muscle, bone, fat, and body water. Both terms mean that a person's weight is greater than what has considered healthy for his or her height.

Obesity occurs over time when you eat more calories than you use. The balance between calories-in and calories-out differs for each person. Factors that might affect your weight include your genetic makeup, overeating, eating high-fat foods, and not being physically active.

Being obese increases your risk of diabetes, heart disease, stroke, arthritis, and some cancers. If you are obese, losing even 5 to 10 percent of your weight can delay or prevent some of these diseases. For example, that means losing 10 to 20 pounds if you weigh 200 pounds. In this page, you will read Obecity Tips Lose Weight In Urdu (Motapa Kam Karne Ke Liye Tips In Urdu) and In Roman Hindi.

Motapa Kam Karne Ke Liye Tips In Urdu
Obecity Tips Lose Weight

Motape (obesity) ko log aam tor par ameerana thath ka natija samajhte hain. Ke ji bas khaya piya aur bethe rahe. Isi wajah se ameer logon ko mota dekha ja sakta hai. Magar mahireen e sehat is ko marz khayal kate hain. Baz mahireen ke mutabiq motape (obesity) mein jild ke neche aur ahsha ke ard gird pait ki jhiliyon mein charbi ki wafir miqdar jama ho jati hai. Jis ki wajah se pait kafi bahar ajata hai. Aur baqi degar aza bhi ziyadah wazni ho jate hain. Halanke aam logon ka khayal durust hi hai ke munasib warzish (exercise) aur mehnat mushaqat na karneki wajah se jism pholata chala jata hai. Is alam mein dil, phephre aur meda durust tariqe se apne amor anjam nahi de pate jis ki wajah se nizame hazam kharab rehne lagta hai.

Thora sa chalne par sans dhokni ki tarah chalna shoro ho jata hai. Aur pora jism bedol ho jata hai jis ki wajah se jismani khubsorti khtam ho kar reh jati hai. Is ki wajah se jism mein degar awariz hamla aawar ho jate hain. Ese mei jab ke insane mota hota jaye to phir chahe wo kitni hi ghizayon na kam kare mota hi hota chala jata hai. Aur mota hone wala shakhs wajihul mazahil naqras, ziqul nafs aur asabi amraz ko shikar hone lagta hai. Jab ke high blood pressure ki wajah se moat bhi waqeya ho sakti hai.

Dekha ye gaya hai ke motapa (obesity) asal mein morose hota hai. Un ka bachpan aur noumari is baat ki nishandahi karti hai. Aur in logon ko motape se nafrat bhi nahi hoti. Na hi ye apna wazan kam karne (lose weight) par dehan dete hain. ,morosi ke elawa jo log mote hote hain un mein aksaryat besiyar khuri, sehal pasand zundagi basar karne wale aur warzish (exercise) na karne wale log hote hai. Jo aram se bethte hain aur tarah tarah ki man pasand ghizaon ko khub khate hain.aur warzish (exercise) ki taraf tawajah nahi dete.

Motape(obesity) ka shikar ese log bhi dekhne mein aye hain jo ke shoro mein mehnat mushakat ke adi rahe magar dolat ki real peal ki wajah se kahil ho gaye. Jin ki wajah se un ka jism mota hota chala gaya. Kyunke phele to in ki khurak un ki jismani thakan aur jismani kaamon ke mutabiq milti thi jab ke ab khurak to wohi hoti hai magar jismani qowat sarf nahi hoti. Aur ghiza un ke ajsam ko mota karna shuro kar deti hai.aur tarah tarah ki bemariyan un ko gheir leti hain. Magar un ke mamolat mein kisi kism ka farq nazar nahi aata. Aur motape ki amad ke bawajod muraghan ghizaon ko kahte hain.

Dosri janib hum dekhte hain jo insane dubla patla haito wo mota hona zaror chahe ga.halanke jo log dubla patle hon un ko chahe jinti marzi ghiza khila den un ko bhi bohat kam mota hota dekha gaya hai. Yahan tak ke jab un ki umar jab 40 ke lag bahag hoti hai to aksar un ki tond zaroor nikal ati hai magar pora jism mota nahi ho pata. Magar aam tor par dubla patle hazrat hi sehatmand aur khubsorat nazar ate hain.

Magar had se ziyadah dubla pan asal mein bemari ki alamat hai kyun kisi wajah se kahyi gayi ghiza jism ko parwarish nahi kar sakti. Is liye jism mutanasib nahi hota balke dubla patla ho kar reh jata hai. Aue is baat mein to koi shak nahi ke dubla patla jism mosamon ke taghiur ka muqabla nahi kar sakta. Na to garmi mein is ko sakun milta hai na sardi mein is ko rahat. Dubla pan agar to qudarti aur morose hai to taradud karne ki zarorat nahi aur gar naqis ghiza ki wajah se hai to chaheye ke chawal, dodh, makhan, sag, aalo, matar, chane, mash ki dal, ande aur paneer ko ghiza mein shamil karein.

Ye fitar e insane hai ke hamesha ise khub se khub tar ki talash rehti hai. Isi wajah se insane khud ko badhda aur mota nahi balke smart dekhai dena chahta hai.aik American mahir e nafsiyat ka mutabiq insane jism ke teen (3) darjat hain. (1) indo morph (2) meso morph (3) active morph.

Indo morph ajsam gol matol aur darmiyane qad wale hote hain.in ke kolhe chore aur pait nikla howa hota hai. Lekin jismani tor par ye mazbot hote hain. Aur in ka wazan (weight) bhi ziyadah hota hai. Meso morph ajsam chore shanon aur chore sene wale hote hain. In ke kolhe patle aur kasrati jism wale hote hain. Jab ke active morph ajsam duble patle hote hain. In ka jism ghosht se khali nazar aata hai. Halanke bemar nahi hote.

Aj sorat e hal ye hai ke khawaten o mard hazrat yaksan tor par is khuhaish mein mubtala nazar aate hain ke un ki jismani sakht be had pur kashish ho. Esa nahi hai ke wo dosron ki nazar mein jachna chahte hainbalke wo darasal khud ko aram aur pur sakun mehsos karna chahate hain is tarah wo auron se ziyadah apni tasken ke khuhan hote hain. Is maqsad mein aksar logon ko faqon mein mubtala bhi dekha gaya hai magar is amal se faidah nahi nuqsan hi hota hai.

Ye baat hamesha mad e nazar rakhein ke wazan karne (weight mashine) wali mashine par jo jadol likha hawa hai hurf e akhir nahi hai. Kyun ke agar ap body building karte hain to ap ke qad ke mutabiq ap ka wazan (weight) lazmi tor par un logon se ziyadah ho ga jo ap ke qad ke barabar hi hon ge magar wazish(exercise) nahi karte. Body builders ka wazan (weight) motape ki wajah se nahi balke in ke azlat ki mazboti ki wajah se hota hai jo warzish (exercise) ki wajah se wazni ho jate hain. App ko chaheye ke ghosht ko jism mein kisi aik jaghah jama na hone den balke phelaein aur is maqsad ko hasil karne ke liye warzish (exercise) nihayat munasib hai.

Yad rahe ke insane jism ke liye munasib muqdar mein charbi azhad zarori hai. Agar kisi wajah se is ki kami ho jaye to khal sukar kar khinch jati hai , joron mein dard soro ho jata hai aur sardi mehsos hone lagti hai. Magar is ka matlab ye nahi ke chiknai kkhana shoro kar den. Kyun ke zarorat se ziyadah chrbi ki muqdar mukhtalif bemariyon ko janam deti hai. Insani jism ki zarorat ghosht, makhan uar cream se pori hojatai hai. Is liye zarori hai ke apne ap ko had e etedal mein rakha jaye.

Humein chaheye ke jis qadar taqat istemal ho isi miqdar mein taqat jism ko munasib ghiza ke zarye pohanch den. Agar jism mein ziyadah chiknai pohanchana shoro kardi jaye to phir ye jism mein jama hona hoti jaye gi aur isi wajah se jism wazni hota chala jaye ga.

Motapa (obesity) asal mein to koi bemari nahi hai lekin ye dosri bemariyon ka mujib ban sakta hai. Maslan sugar, high blood pressure, amraz e qalb, tangon ki bemari, rerah ki hadi ki bemariyan, kamar dard, susti kahili, aur urton mein banjh pan wagherah. App sawal ye peda hota hai ke motapa kyun hota hai. Chand asbab darj zel hain.

1- Methe aue chiknai wale khanon ka bakasrat istemal.

2- Ghiza ziyada khane magar is ko juz badan banana ke liye warzish (exercise) ko mamolat mein shamil na karna. Aur na hi mehnat talab kaam karna. Ese log app ko aksar bare bare banlon aur dafatir mein nazar ayein ge. Jo pedal chalna apni shan ke khilaf samjhte hain. Jald mote ho jate hain.

3- Ghiza kam kahna magar methi aur chikni ashia ka ziyada istemal karna.

4- Morose motapa aur pedaishi motapa.

5- Baz bemariyan bhi motapa peda karne ka mujib ban sakti hain. Maslan thairide ghodod ki bemari, haipo thiridezam.

6- Adrenal ghodod ki bemari, kasak syndrome.

In awamil ko made nazar rakhein aur mehaz ishteharon se mutasir ho kar motape (obesity) ka ilaj azkhud shuro na karein. Balke dekhein ke motapa (obesity) kis wajah se shuro ho raha hai. Agar motapa (obesity) khatam karna chahein to khud is mein khatir khuah dilchaspi lena ho gi. App ko ye ahsas karna chaheye ke motapa aik khatarnak cheiz hai. Darj bala sator se andaza lagaein ke ye kin kin bemariyon ke pesh khema ban sakta hai.

Jab Motapa (obesity) Suroh Ho Raha Ho To :

• Mareez ko chaheye ke apni khurak mein se methi aur chiknai wali ashya ahista ahista kam karna shuro kar dein.

• Darmiyani warzish karna shuro kare aur pedal chalna apni shan ke kilaf na samjhein.

Jab Matapa (obesity) Dosre Marhale Mein Dakil Ho Jaye:

• Apne mualij se fori tor par mashwara karein wo app ko kam calories ki khurak app ke jismani dhanche ke mutabiq batein ge.kyun ke un ko elm ap se ziyadah hai. Apne tor par app apne jism ko kisi kism ka nuqsan bhi pohancha sakte hain.

• Baz uqat ese mareezon ko esi adwiyat bhi istemal karai jati hain jin se bhook kam lagti hai. Magar in ke side affects ki wajah se in ka dorania kam kar deya jata hai.

• Warzish (exercise) bhi apni jismani halat ke mutabiq karein. Aur warzish (exercise) ke sath sath ghiza ko bhi munasib rakhein.

Khud ko smart rakhne ke liye khurak ka chart hamesha mad enazar rakheein.