Malaria

Malaria and Dengue is almost same diseases. A malaria symptom has fever and dengue attack in the blood directly, which reduce the platelets of Human body. Malaria and Dengue both are attack by Mosquitoes. The Larva of Mosquitoes born in drain etc, named Larva Source Management. They both are mosquitoes (machar) born infection diseases of tropical Countries. Malaria and dengue control is by either use of drugs to treat patients infected with malaria and dengue parasites and controlling the vectors. Larval Source Management strategies target outdoor immature mosquitoes. Intervention strategies applied include environmental management through source reduction (drainage, land leveling and filling ditches etc). In this page, you can see Malaria In Urdu , Malaria Information In Urdu and Hindi.

Malaria Information In Urdu
Malaria In Urdu

Asia aur Africa ke mukhtalif hisson mein Malaria aur Dengue ke barhte hue waqeyat ke bad mohqiqeen ne kaha hai ke is bimari ki rook tham ke liye zarori hai ke in jaghon ko hadaf banaya jaey, jahan par mosquitoes ki afzaiysh hoti hai ta ke is bimari ko barhne se roka jae. Aik new report ke mutabiq mohqiqeen ne kaha hai ke mukhtalif medicines ke khilaf machar (mosquitoes) mein mazahmat barhti ja rahi hai. Is liye in se nimatne ke liye mukhtalif tariqey ikhteyar karne chahiye. In mein aik tariqa to yeh hai ke khare pani jahan par mosquitoes paida ho sakte hain. Is ko fori taur par baha diya jaye aur deegar paniyon mein chemicals shamil kiye jaye. Yaad rahe ke teesri duniya ke mumalik mein malaria ki bimari barh rahi hai aur sirf Africa mein 2010 ke dauran 6 lakh afraad malaria se halaak ho chuke hain.

Guzishta ashrey ke dauran malaria se halakaton ki tadad mein ¼ kami ho gai thi. Jis ki aik wajah to machar (mosquito) maar medicines se treat shuda machchar daniyon ke barhe peymane par taqseem aur dosri gharon mein machchar maar medicines ka spray tha. Lekin ab samne aa raha hai ke machcharon mein in medicines ke khilaf mazahmat barh rahi hai. Chunache London School of Hygiene and Tropical medicine ki aik new report ke mutabiq ab zarorat is baat ki hai ke in jaghon ko hadaf banaya jaey jahan machcharon ke Larva peyda hote hain. Is ko Larval Source Management ka naam diya gaya hai. Kae qisam ke paniyon mein mosquitoes ke larva banne ki rafter bohat tez hoti hai. Jaise rice ke kheyt ya garhon mein khara pani waghera. Is pani ko fori taur par khatam kiya jana chahiye ya is mein aise chemicals shamil kiye jane chahiye ta ke machchar ka larva na ban sake. Is ke ilawa khare hue pani mein larva maarne wali khusosi medicines bhi shamil ki ja sakti hain.

Study ke mutabiq jab is tareeqey ko aazmaya gaya to na sirf malaria ke waqeyat mein 75 % kami hui bal ke in afraad ki tadad mein bhi 90 % tak kami ho gai jo ke malaria parasite se mutasir the. Mohqiqeen ne is silsile mein hazaron mukhtalif studies ka jaiyza liya aur is tariqey ki afadiyat ko dekha to inho ne paya ke in mein 13 studies aesi thin, jin se is tariqey ki kamiyabi ka pata chalta tha. Yeh researches mukhtalif mulkon jaise Gambia, Kenya, Mali aur Philippine se aai thin. Report mein kaha gaya ke malaria par control ke liye in studies ke nataiyj bohat aehmiyat ke hamil hain. Study ke musannif Lousy ke baqaul malaria par qaboo pane ke liye guzishta ashrey mein jo kamiyabiyan hasil ki gai thin. Wo dastiyab medicines ke khilaf mosquitoes mein peyda hone wali zabardast mazahmat ke baiys khatre mein parh gai hain. Chunache malaria peyda karne wale machar (mosquitoes) ko hadaf banana ke liye ab mazeed tariqey apnane ki zarorat hai. In ka kehna tha ke machar (mosquitoes) ke larva ko khatam karne ke liye apnai gai hikmat amli is silsile mein khasi maussir ho sakti hai.
Idher aalmi idara sehat abhi is research ko bohat ziyada aehmiyat dene par tayyar nahi.

Idarey ke baqaul is tariqey ki himayat ke liye tehqeeq abhi itni jandaar nahi aur dehaat mein is ko apnane ke liye sifarish nahi ki ja sakti kyun ke dehati areas mein machar (mosquitoes) ki afzaiysh ke sabab wali jaghon ka suragh lagana khasa mushkil hai. Idarey ke aik tarjuman ke mutabiq jab tak larva control ke hawale se is tehqeeq ke barey mein mazeed thos shawahid samne nahi aa jate, is ko abhi sirf aik izafi tariqey ke taur par liya jana chahiye kyun ke is par total inehsar bhi durust nahi ho ga. Sab Saharan Africa mein machar (mosquitoes) ki afzaiysh ka baiys banne wali jaghon ko talaash karna aur wahan par medicine ka spray mumkin dikhai nahi deta.