Prickly Heat Rashes (Garmi Daney)

Prickly heat Rashes (Garmi danay)

In summer warm air effect not only human but also on plants and animals. It effect on our body too and we feel lazy to do any work. Inner temperature of body increase and we feel thirsty. Prickly heat is the most important problem of summer. It quickly effect on children because of their weak immune system. There are some precautions that you can take and save yourself from prickly heat. Avoid warm food, take bath two times a day, wear soft clothes, after eating mango take some smoothie, avoid to eat fish, eggs, pickles and coffee. Increase the use of water melon, pomegranate, lemon, melon and plum.   In this page, you will read  Prickly heat in Urdu ( Garmi danay) In Roman Hindi.

Garmi Danay In Urdu:

Mosam e garma mein jab tamazat e aftab ke bais jhulsa dene wali garmi parti hai to insane hi nahi hewan aur charin parin bhi aziyat mehsos karte hain. Garmi ka asar jismani qowaton par bhi parta hai, jis ke natije mein rozmarah ke kaamon mein susti ajati hai. Jism ki hararat barh jati hai aur piyas mein shidat paida hoti hai. Baz afrad ki zaban khushk ho kar talo se lag jati hai. Esa bhi hota hai ke honton ki surkhi ghayab ho kar siyahi aur beronaqi janam le leti hai. Pasina kasrat se behta hai jis ki wajah se jism pasine se sharabor ho jata hai.

Jab habs ki halat hoti hai to in taqalif mein izafah ho jata hai. Is doran jild ki sab se beroni jhili ke niche aabi ratobaton ke chote chote qatre motiyon ki tarah akhata ho kar garmi danay bana dete hain. Agar in ko dabaya jaye to dard, taqlif aur jalan hoti hai. Ye garmi danay kisi nuqsan ka bais nahi hote, tahum agar habs ya shaded garmi ho to in danon mein bohat jalan ya chubhan hoti hai, jis ki wajah se bohat aziyat hoti hai. Jab in danon ka upper wala hissa alg ho jata hai to tadiye (infection) ke bais phore, phunsiyon mein tabdil ho jate hain. Is tarah ye dane bohat aziyatnak aur taqlifdah ho jate hain. In garmi danon se chote bache ziyadah mutasir hote hain, kyun ke wo garmi ka asar jald qabol kar lete hain aur un ka madafati nizam kamzor hota hai. Jin logon ko ye garmi danay nikalte han wo shaded bechain aur beqarar ho jate hain, kyun ke in danon mein bohat chubhan aur kharish hoti hai.

In danon se hone wali taqlif ke bais aksar bache raat bhar rote hain. Agar hawa chalti rahe ya bijli ka pankha, air cooler ya air-condition mayasar ho to phir sakon rehta hai.

Baz afrad aur khandan garmi danon ki taqlif mein ziyadah aur baz kam mubtala hote hain. Is kami o beshi ka taluq un ki ghiza se hai, masln garam ashiya jin mein anda, machili aur mirch masalae waghairah shamil hain, in ka ziyadah khana garmi danon ka bais banta hai.

Is ke elawa tang o tarik makanat meinrehne wale afrad garmi danon ke ziyadah shikar hote hain. Jo afrad ya khandan thande makanat mein rehte hain, agar wo garmi wale elaqon ya muqamat par chale jayen to un ke jism par bhi bohat ziyadah garmi danay nikal aate hain.

Garmi Danon Ki Alamaat:

Jab jild se pasene ka ikhraj ruk jata hai aur ye aabi qatre jild ke niche yakja ho kar danon ki shakal mein namudar hote hain, jo garmi danay kkhelate hai. In mein jalan aur chubhan ka ahsas hota hai. Phele wale dane kam hote hain to naye nikal aate hain. Ye kabhi surkh aur kabhi safeed hote hain. Garmi danay aam tor par kamar, garden aur baghalon ke darmiyan nikalte hain.

Garmi Danay Se Bacho ki Tadabir:

•    Garam ashiya se parhez kiya jaye.

•    Garmi ki shidat se bacha jaye. Is tarah garmi kam hone se pasena kam aaye ga.

•    Rozana subha sham ghusal kiya jaye, take jism meal kuchale se mehfooz rahe aur masamat ke      band hone ka amkan na rahe.

•    Masnoi reshe se bane howae kapre bhi hasasiyat (allergy) ka bais ban jate hain, in se ahtiyat ki jaye aur soti kapre istemal kiye jayen.

•    Ghiza mein loki, turai, kadu, mong ki dal aur timatar khana mufed hain.

•    Aamkhane ke bad khachi lasi zaror pi jaye, take aam khane se paida hone wali garmi ke asraat ko khatam kiya ja sake.

•    Dhop mein chalne phirne se gurez karen aur pasena ziyadah aane ki sorat mein toliye ya soti kapre se jism ko saf karen.

•    Kamzor afrad ko apni sehat ki tarah ziyadah tawajah deni chaheye.

•     Garmi ke mosam mein anda, machli, achar aur coffee bhi kam pi jaye, kyun ke ye khoon mein hidat paida karte hain.

•    Is mosam mein aalubukhara, lemo, anar, jaman, tarbuz, kharbuza aur neem ki nimboli khana garmi danon aur garmi se mehfooz rakhta hai. Jab shaded garmi ke bais garmi danay nikalte hian to intehai taqlifdah hote hain, lehaza in se mehfooz rehne ke leye mandaja bala tadabir ikhteyar kar li jayen to in se kafi had tak bacha ja sakta hai.

•    Baraf malne se garmi danon ki  jalan aur kharish se waqati tor par sakon milta hai.

•    Sandal safed ghis kar gulab ke arq mein mila kar lagana mufed hai.

•    Luab behi dana 3 gram, unnab 5 dane aur maghaz kadu 3 gram ka shera nikal kar sharbat e nilofar ke do bare chamche mila kar subah sham pena mufed hai.

•     Khaliq e kainat ne garmi se nikalne wale danon ke leye  is se phele hi mosam e bahar mein gandum ke khetton mein shahtera ki boti paida ki, jis mein fasad e khoon aur hidat e khoon ki aslahh ke leye ajeeb khasiyat rahi hai. Tib ke tajurbaat shahid hain ke shahtera 6 gram adhe glass pani mein josh de kar chan kar sharbat e unba ke do chmache mila kar subah sham khane se qabal pina mufed  hai aur bohat se marizon ko shifa hoi hai.

•    Garmi danon ki jalan aur khatme ke leye beroni tor par phitkari aur kafor ka istemal bhi mufed hai. 6 gram phitkari ko pani mein mila kar ghusal kiya jaye. Chand roz tak ye ghusal danon k odor karne ke leye mufed hai.