Til (Sesame seeds)

We are using sesame seeds (til) form millenniums. In winter season, we use sesame seeds mix with sugar or gur. Sesame seeds are used as medicine too. The plant of sesame seed is called sesamum indicum. It is in two colures white and black. White sesame seed are most common and use widely. Sesame seeds have lots of vitamins. In this page, you will read Til Benefits, Til Ka Tail (Oil), Til Ke Fayde, Sesame Seeds Benefits In Urdu and Roman Hindi.

Til Benefits, Til Ka Oil Benefits (Til Ke Fayde)
Sesame Seeds Benefits In Urdu

Til humare han sadyon se istemal ho rate hain. Mosame sarma mein til (sesame seeds) aur gur ke lado, rewariyan, gajak ka bakasrat istemal hota hai. Rewariyan aur gajak gur aur chini se banti hain jin mein Til (sesame seed) shamil hote hain. Til (sesame seeds) ghiza ke elawa bator dawa bhi istemal hote hain.

Is ka mizaj garam o tar hota hai. Arab mein zetoon (olive) ko bohat ahmiyat hasil hai, baresagheir mein zetoon (olive) ka badal Til (sesame seed) qudrat ne paida kiya hai. Til (sesame seed) ka tail (Oil) bhi zetoon ke tail (Oil) ki tarah badan ke dard mein fori ilaj ke leye istemal hota hai.

Til (sesame seed) ke pode ko angrezi (English) mein (sesamum indicum) aur zaban e tib(farsi) mein kanjd khete hain. Til (sesame seed) safed aur siyah rang ki sorat meinhote hain, rang ke imteyaz ke bais til safed aur til siyah likha jata hai. Kale talon ke muqable safed Til (sesame seed) behtar aur ziyadah istemal hote hain. Duniya ke beshtar mumalik mein is ka poda paya jata hai. Desi adwiya mein Til (sesame seed) aur til ka tail (Oil) sadyon se istemal hota araha hai. Is ke elawa tilon ka tail (Seasame Oil) ghizaon mein bhi istemal hota hai is tail (Oil) ki aham khososiyat ye hai ke ye arsa daraz tak kharab nahi hota. Talon mein taqreban 50 se 60% fisad tail (Oil) paya jata hai jo ghair seer shudah tail (Oil) par mabni hota hai yani ye jamta nahi hai. Is mein vitamin E, vitamin B, vitamin B2 ka elawa carotene mujod hote hain. Jaded tehqiq ke mutabi talon mein mandarjazel ajza shamil hain.

100 giram Til (sesame seed) mein shamil ajza:

Vitamin A : 15 unit

Thiamin : 1.7 ml

Riboflavin : 1 ml

Nayaseen : 2.7 ml

Protein : 9 ml

Harare : 280

Chiknai (fat): 24 ml

Nashata : 10 ml

Calcium : 580 ml

Folad : 5.2 ml

Phosphorus: 308 ml

Potassium : 360 ml

Til (sesame seed) mein aik phosphorus aamez chiknai bhi pai jati hai jo jismani bafton aur asabi taqwiyat ke leye aham hai. Insane damagh aur ghododon ki sehat ka inhesar is phosphorus aamez chiknai par hai. Insane ke dimagh mein ye mada tamam janwaron se ziyadah hota hai. Til (sesame seed) mein mujod is phosphorus aamen chiknai ko leis thaisen khete hain. Til (sesame seed) ki aik aur aham khubi ye hai ke is mein dhaton ka tanasub bhi kamal hai jis dhat ki jism ko ziyadah zarorat hai wo ziyadah miqdar mein mujod hai aur jis ki kam miqdar ki zarorat hai wo kamahi. Til (sesame seed) vitamin E ka khazana hai. Yehivitamin jism insane mein nasal kushi mein madad deti hai aur jald borah nahi hone detiaue is mein mujodgi se jild mein jhuriyan nahi partein. Tilon (sesame seed) mein esekimayai mirakabatbhi mujod hain jo insane jism ki shikast o rekht ko rokte hain aur jism ke sakhta khaliyon aur bafton ki tamir mein ajeeb karishma dekhate hain is tarah jism ke asab ko taqwiyat dete hain jis se jismani umangein aur tawanai badar hoti hai.

Qutrat ki choti se ye khubru nemat aaj ke khasta asab aue shikast o rekht ke amal ke shikar insane ke leye khusosi tohfa hai. Khusosan wo log jo zehni dabao aur isabi tanao ke bais depration ka shikar hain, unhen qudrat ki ata kardah nemat se mosame sarma mein bharpur istefada karna chaheye. Tib e mashriki mein Til (sesame seed) aur is ka tail (Oil) sadyon se mustamil hai. Mosam e sarma mein amoman bachon ko bakastat peshab ki shikayat ho jati hai, baz bache raat ko bistar par peshab kar dete hain in ko adhi chamchi rozana talon ka isteaml is marz se nijat delata hai. Is tarah umar rasedah log bhi shadat e sardi ke bais mosam e sarma mein bar bar peshab ke arze mein mubtala ho jate hain, ese logon ke leye talon ke lado bohat mufedsabit hote hain, kyun ke umar rasidah logon ko esa asabi kamzori ke bais ho jata hai aur til (sesame seed) asab ko taqat bakhshte hain.

1- Til (sesame seed) ko pani mein pes kar chan kar istemal karain mede ki jalan mein bohat mufed hai is se mede ki turshi khatam hoti hai.

2- Halke bhone howe tilon (sesame seed) ko sabz dhaniye(green coriander), podene (mint), sabz mirch (green chili), lehsan (garlic) aur bhone howe safed zere aur namak (salt) ke sath pes kar lemo (lemon) ka ras milaein, nehayat lazez aur taqwiyat bakhash chatni taiyar ho jati hai jo bajra, makai, gandom ya chane ki roti ke sath maza deti hai.

3- Tilon (sesame seeds) ka istemal phepron aur khansi mein mufed hai.

4- Tilon (sesame seeds) ka istemal rangat ko nikharta hai aur kharish k odor karta hai.

5- Tilon (sesame seeds) ka istemal jism ko mota karta hai.

6- Tehqiq jaded ke mutabiq Tilon (sesame seed) mein mujod vitamins aur proteins
donon ajza zodhazim hain jin ke koi muzir asrat nahi, goya Tilon (sesame seed) ko gosht ka nameul badal qarar deya ja sakta hai.

7- Til (sesame seed) ke pode ke patte aur phol bhi bohat mufed hote hain. Tilon (sesame seed) ke patton kobalon ki mazboti uar darazi ke leye istemal kiya jata hai. Is ka tariqa e kar ye hai.

Tazah patte le kar kot kar ras nikalein aur balon (hair) ki jaron mein mal liya karein. Ye amal balon (hair) ki seyahi ko asrse tak qaim rakhta hai.

8- Til (sesame seeds) insane ko zehni aur jismani donon itebar se sehat mand rakhta hai.

9- Til (sesame seeds) har umar ke fard ke liye yaksan mufed hai.

10- Til (sesame seeds) mein ese kimiyai murakab bhi hote hain jo cancer ki rok tham mein mufed hain.

11- Tilon (sesame seeds) se hasil kardah tail tib e mashriqi ki bohat si adwiya ka juz hai. Humare han jot eel malish ke leye mustamil hain in mein Tilon (sesame seed) ka tail jise metha tail bhi khete hain khososi juz hai.

12-France mein Tilon (sesame seed) se taqviyat ka aik tonic taiyar kiya jata hai.

13-Wo log jo demaghi kaam karte hai aur ghambir masail ke sabab shaded zehni dabao aur asabi tanao ka shikar rehte hain un ke leye Tilon (sesame seed) ka istemal bohat mufed hai.

14-Tilon (sesame seeds) ka istemal har umar ke afrad yaksan kar sakte hain.

15-Maghziyat ka istemal namalom tarikh se ho raha hai. Zindagi ke ibtedai dor mein ye bohat istemal hote the, lekin ab kam hone laga hai, ab jaded tehqiq ke bad in ka mosam e sarma mein istemal bator qowat bakhsh ghiza barh gaya hai.

16- Til (sesame seed) zod hazim hain in mein lehmiyat bohat ziyadah hote hain, itne kisi sabzi mein bhi nahi hote. Nabatati ilaj ke almi mahir doctor kelog ka kehna hai ke tamam nabatati ghizaon mein umdah protein maghziyat ke indar hoti hain. Ye hewanat ke gosht se bhi ziyadah taqat bakhsh hai.

17- Mosam e sarma mein maghziyat jin mein till bhi shamil hain, istemal aik tonic ka
darja rakhta hai, khososan talba aur dimaghi kaam karne wale ese zaror istemal karein, is se hafza behtar hota hai, khoon ki kami jati rehti hai aur asab ko taqviyat milti hai.

18- Wo log jinhein buland fishar e khoon (high blood pressure) ka arza ho, maghziyat ke itemal mein ehtiyat karein wese bhi har shy ke istemal mein etedal hi ki rah munasib hai aur yehi rah fitrat hai. Edam tawazun hi amraz peda karta hai.